Comun di Tor di Zuin / dal Tor (loc.)

Ricercje svelte


< vai al contenuto centrale




Font Tal Campo

Font Tal campo, Tor di Zuin: lavôrs tai cjamps, fotografie de Agenzia fotografica internazionale, 1938

La Associazion culturâl e ricreative “Tal Campo” e à di pôc lassât al Comun il so font fotografic e documentari fat di cuasi cuatricent positîfs e di passe tresinte negatîfs che a mostrin il Villaggio Roma tra il 1950 e il 1980. Il font fotografic al è stât creât vie pai agns cjapant sù lis fotografiis de epoche (e/o riproduzions di fotografiis de epoche) dai citadins che a vivevin intal Villaggio Roma di dopo de vuere a vuê. Lis imagjins a fasin viodi cemût che l’ex cjamp di concentrament si è mudât in borc operari e a fasin viodi lis cundizions di vite des fameis dai operaris agricui e industriâi fûr dal ambient di lavôr. Il font al cjape dentri ancje un libri fotografic maraveôs fat de Agjenzie Fotografiche Internazionâl di Vignesie intal 1938. Si fevele di fotografiis che a mostrin il lavôr intai cjamps e lis primis oparis di sistemazion agrarie fatis de SAICI. Il font al ten dentri diviersis fotografiis (origjinâls de epoche) che a vegnin dal ex archivi de SAICI/SNIA Viscosa.