Comun di Tor di Zuin / dal Tor (loc.)

Ricercje svelte


< vai al contenuto centrale




Font Scuele elementâr

Dilunc de Vierte dal 2013 lis mestris de scuele elementâr a àn consegnât al Comun un fassicul une vore interessant che al cjape dentri diviers documents e fotografiis sul Tor (positîfs de fin dai agns Cuarante e dal principi dai agns Cincuante). Di cetant interès, dal pont di viste storic, il datiloscrit cu la liste dai militârs de Austrie Ongjarie che a son stâts soterâts al Tor. Intal cimitieri di Tor di Zuin a son stâts soterâts intant de prime vuere mondiâl 179 militârs dal Imperi Asburgjic. Intant de seconde vuere mondiâl e sul finî dai agns Cuarante, il Ministeri de Vuere prime e chel de Difese dopo a vevin in maniere esplicite invidât il Comun, daûr de Convenzion di Gjinevre, a curâ, mantignî e no tirâ vie par nissun motîf lis tombis dai muarts in vuere. Cun dut achel, tor de metât dai agns Setante i aministradôrs comunâi di in chê volte, che no cognossevin chei avîs e lis convenzions internazionâls, a àn tirât fûr i rescj dai militârs soterâts sessante agns prime e al puest des 179 tombis a àn fat sù un monument ai muarts in vuere piçul e anonim. Lis plachis cui nons dai soldâts a son stadis bandonadis intun cjanton dal cimitieri, indulà che a son stadis cjatadis par câs trente agns dopo di un tecnic dal Comun che cumò al è daûr a restaurâlis.

Cualchi volte a tornin fûr dai archivis documents impuartants che, par jessi capîts, a àn di jessi studiâts e analizâts a dilunc, altris voltis, come in chest câs, une liste e/o une fotografie a son avonde par visâsi cemût che un paîs tant che il Tor e une Italie tant plui puare di cumò a jerin bogns di rispietâ la memorie dai muarts in vuere.