Comun di Tor di Zuin / dal Tor (loc.)

Ricercje svelte


< vai al contenuto centrale




Font Gini Bedendi

Font Gini Bedendi, Tor di Zuin: sculture di Leone Lodi e palaç dai uficis dopo dal bombardament dai 25 di Fevrâr dal 1945

Une part impuartante dal font fotografic de famee Gini al è stât di pôc donât al Comun de professore Eldamira Bedendi. Il font al cjape dentri dusinte cuarante positîfs di epoche in part di bessôi (cuasi cent e cincuante fotografiis) e in part dâts dongje in trê albums a teme. Intal grup des fotografiis di bessolis a son diviersis imagjinis che a mostrin i dams intal stabiliment dopo dai bombardaments dal Fevrâr dal 1945. I lavôrs di costruzion de vile di Marinotti e i reperts archeologjics incassâts intes muraduris a son ben documentâts. A son ta chest grup ancje fotografiis fatis a Aquilee che a mostrin oparis sul model di chei che a son intal parc de vile. A completin cheste part dal font une schirie di figuris che a rivuardin la scree dal INAPLI e ae costruzion dal stadi, e altris fotos su lis primis scuelis elementârs dal Villaggio Roma, su la glesie inte Agjenzie 1 e sui lavôrs di costruzion de stale in localitât Lagune. Il prin dai trê albums al cjape dentri imagjins e informazions su implants di produzion de celulose fats de SNIA Viscosa ator pal mont (1972). Il secont album al fâs viodi lis fasis di costruzion des vilis pai dirigjents dilunc dal viâl Villa e il tierç album al cjape dentri diviersis imagjins des architeturis dal teritori.