Archivi storic comunâl
L’archivi storic comunâl al cjape dentri i ats che a van dal an 1940, an di istituzion dal Comun, al 1975. Il lavôr par tornâ a ordenâlu e par inventariâlu al è stât fat vie pal 2012 dai archiviscj professioniscj de cooperative Elba in cunvigne cu la Sorintendence archivistiche dal Friûl – Vignesie Julie. La documentazion, depositade vie pai ultins agns intai locâi dal ex teatri, e jere avonde ben tignude, dut câs no jere mai stade inventariade e metude in ordin. Lis ativitâts archivistichis a àn cjapât dentri, in plui de sezion storiche dal archivi, ancje chei fonts che a jerin di interès pes finalitâts dal progjet. A son stâts cussì inventariâts e digjitalizâts lis schedis su lis architeturis storichis che a son intal Comun dal Tor e i fassicui sui controi ambientâi fats jenfri il 1940 e il 2005 e, par finî, a son stâts inventariâts ancje 445 dissens vignûts fûr dai ex archivis de SAICI-SNIA Viscosa.
A son stâts po metûts jù i inventaris di chescj fonts:
- Atti costitutivi
- Deliberazioni del Podestà e del Commissario prefettizio
- Indice delle deliberazioni del Podestà e del Commissario prefettizio
- Deliberazioni del Commissario prefettizio e della Giunta municipale
- Indice delle deliberazioni della Giunta municipale
- Deliberazioni del Consiglio comunale
- Indice delle deliberazioni del Consiglio comunale
- Carteggio amministrativo
- Pubblicazione atti deliberativi
- Pubblicazioni all’albo pretorio e notifiche del messo comunale
- Giudici popolari
- Bilanci preventivi
- Conti consuntivi
- Allegati al conto consuntivo
- Giornali mastri
- Registri delle imposte riscosse
- Ufficio elettorale
- Ufficio tecnico – Pratiche edilizie
- Ufficio comunale di collocamento
- Ufficio sanitario
- Controllo ambientale